Ev sal saleke xerîbe
Gelo wê ev rewş çewa be
Ji ber şoba qoronayê
Wek mizgeftan ku girtî be
Sed carî wey mala min ê
Me ev yek jî dit li dinê
Harema Mekke Medînê
Tewaf bi çivîkan ma be
Serokê karu barê dîn
Derket tv ê peyam xwendin
Got mizgeft mescidan radin
Wê mizgeft bê cemaet be
Wan mîhrab û wan mîmberan
Meqamê her pêxemberan
Vale mane yê her deran
Ferzu kîfayet wê l’mal be
Me vê jî dît dawya dawî
Mizgeftên me mane sêwî
Qorona bû bela qewî
Mala min ê wê çewa be
Kesî ne dît heya ev wext
Li ti diwêl li ti welat
Mizgeft ku man bê cemaet
Dûa bixwînin ev şob rabe
Ev î şoba qoronayê
Wek ‘ezmûnek li dinya yê
Me hêvî ji Wî Xwedayê
Ku wê sehîl derbas bibe
Ya Reb Tu Reb ek mezinî
Va ye rewşa me dibînî
Barê giran li me nexînî
Mizgeft bê cemaet nabe
Lewra mifgeft mala te ne
Ew jî şûbe yên beytê ne
Rawesgahê mûmina ne
Weke ku mizgeft sêwî be
Mala min ê ev çî hal e
Mizgeft ma vale di nale
Bê cemaet û bê mele
Înşellah dawî bi xêr be
Ya Reb Tu çêtir dizanî
Bi rewşa me her zemanî
Helbesta Ebdulah Celan î
Ku nivsand wek erzûhal be
Xweda ev tê ji destê min
Stêrkê çavan ji hestê min
Dirijin ser helbestê min
Hêvî ku ev ji bo Te be
Misirc-2020
