Wêneyên neh ciwanan belav bûn
Ciwanin bedew, ciwanin nûrxwan, ciwanin qedirbilind, ciwanin rûken…
Her yek xwedî malbat, zane û perwerdebûyî
Her yek xwediyê jiyanek rengîn
Her yek dozdar û evîndarê doza xwe
Barê giran lê belê pîroz dabûn ser milên xwe
Dayikek û pitikek jî derdiket pêş di wêneyan de
Dayikê diranê nûderketî ê pitika xwe; ê Leylaya xwe rê bavê wê dida
Bi hêviyek mezin, bi hesretek bêhempa
De ka bînin ber çavên xwe wêneyên wê dayikê
Wê evîna mezin, wê hêviya gulvedayî
Ji bo Rebê xwe, ji bo mebesta xwe yî mezin
Yeko yeko canê xwe firotin, neh ciwanan
Dan bi bihuşta bi nav û deng
Di bazirganiya mezin de gihaştin daxwaza xwe
Neh ciwanên rûken
Doza Rebê xwe bilind kirin.
