Heywax ji destê nezanan
Heft xwezî bi halê xîzanan
Dibên em her tişt dizanin
Gûhdarî nakin li zanan
Bela nezanan pir zor e
Her xwe dibînin li jor e
Yê bêje her tişt dizanim
Ew nizane ku fêmkor e
Mirovekî ku fêm bike
Çiqas zana be hindike
Sinorê zanînê tune
Wê hîn çêtir bilipike
Ciwan û kal bo her kese
Şinorkbûn tenê ne bese
Perwerdehî ne dîtibe
Zanîna wî wek qefese
Erê hin kes ne xwendane
Bi şinork û pir zanane
Ji hezaran wê yek hebe
Henin, lê ew îstisnane
Mirovê çiqas zana be
Dema ku ew ne xwenda be
Perwerde û zanist nebe
Teqez wê ji cahilan be
Wek şofêrê bê ehliyet
Dema trafîk lê derket
Dibe wek kewê kesîre
Wek ku wî ling û bask şikest
Erê xwenda tev ne yekin
Lê zanyarên wan gelek in
Pir kêm henin li asta jêr
Lew ku xwendane zîrek in
Li Quran a pîroz fekre
Ayeta yekem wek emr e
Îqre’ Reb dibê bixwîne
Fermana Reb ji her kes re
Ez î hêjar ne xwenda me
Ne zanyar û ne seyda me
Bo xwendin û nivîsadinê
Ji bo min wek şûxlû xem e
