‘Bixwîne’ emrê Xweda yê ewil
Tu xwe jê nehêlî demekê xafil
Bixwîne bi navê Xwedayê em û tev çêkirî
Ew Xwedayê ji neyîniyê her tişt peyda kirî
Bixwîne da ku Xweda were rahmê
Pûç bike di dil de her derd û xemê
Her sibeh û nîvro û pirê êvaran
Dest bixe hinek metn û kîtaban
Pir bixwîne, ne kemî şev û roj
Nebe wek wanên mislên hov
Bixwîne bi navê Ewê ku hîn kirî
Bi qelemê, mirovê nizane tiştekî
Qet bêbahr xwe nehêlî ji vê deryayê
Nebêje gelek in derd û kulê dinyayê
Tu dibejî qey wê kêm bin ev derd û kul
Dema tu xwe ji xwendinê bihêle dûr
Rûniştî şipya li her cih û her derî
Her dem û her zeman û her wextî
Na wellahî sed hezar û hezar car wellahî
Nexwendibe bêfeyde ye umrê te bûrandî
Ya reb tu zêde bike ilm û zanîna me
Bêbahr nehêle ji xwendinê umrê me
Ez nexwende hêvidarê rehma te me
Biqisûrê xwe li benda efwa te me
