Tacdîn Sitiyê ji te dixwazit
Ew qûl bi çiraxiyê dinazit
Ew bende ye wî bigêre azad
Zîbende ye, wî bidêre damad
Mîr go: ‘’Ku heçî we dîtî laiq
Elbette ji bo mi ra ye faiq
Herçî ku wekîl e, bêt û rûnit
Mewla kî ye xutbeyê bixûnit
Eqda Sitiyê me kir li Tacdîn
Îcabe ev e: Qebûl e, amîn
Fîlhalî Çeko bezî, û pê mîr
Teqbîlî kir û qebûlê teqrîr
Mecmûê mela û şeyx û mîran
Axa û ekabîr û feqîran
Vêkra bi devê xwe wan sena kir
Têkda bi dilê xwe wan dua kir
